Vettvangsnámið stóð yfir dagana 18. – 31. október 2007. Fyrstu tvo dagana fylgdumst við með sem koma skyldi, kennslu hjá 6. og 7. bekk í íþróttum, sundi hjá 1. bekk og ensku hjá 6. bekk.

Næstu tvær vikur tók svo við kennsla í íþróttum og sundi. Aðaláherslan á tímabilinu voru frjálsar íþróttir, aðallega langstökk, kúluvarp og boðhlaup. Framundan var nefninlega frjálsíþróttamót grunnskólanna fyrir 4. – 8. bekk sem verið var að æfa fyrir. Við vorum einnig með stöðvaþjálfun þar sem við tókum fyrir þrek- og styrktaræfingar með eigin líkamsþyngd. Að auki kenndum við leiki og körfubolta.

Seinni vikan af vettvangsnáminu var ansi snubbótt þar sem bæði voru foreldraviðtöl og haustfrí skólans. Við fylgdum 6. bekk á frjálsíþróttamótið þar sem þau stóðu sig mjög vel og lentu í 2. sæti í heildarstigakeppninni á milli skólanna. Mjög gaman var að fylgjast með nemendunum á mótinu og kynntumst við þeim mun betur eftir það. Áhugavert var að sjá aðra hlið á íþróttakennarastarfinu.

Við notuðum ýmislegt sem farið hefur fram í kennslu hjá okkur á Laugarvatni eins og leiki og æfingar. Það var gaman að sjá muninn á þáttöku okkar og nemenda Grandaskóla í leikjunum. Oft þurftum við að breyta útfærslu á leikjunum til þess að þeir gengu upp hjá 6. - 7. bekk.

Við mættum í marga enskutíma hjá 6. bekk þar sem við aðstoðuðum Söru við kennsluna. Það var mjög gaman að sjá muninn á íþróttakennslu og almennri bekkjarkennslu. Enskutímarnir voru mun rólegri og þægilegri en meira álag og auðvitað hamagangur einkenndi íþróttakennsluna.

Sundkennslan fór fram í Vesturbæjarlaug. Hún var mjög frábrugðin bæði almennri kennslu og íþróttakennslu. Mun erfiðara var að ná til nemenda þegar þeir voru ofan í lauginni. Kalt var í veðri og fannst okkur liggja meira á að koma nemendum af stað í æfingar. Minna var því um útskýringar á æfingunum frá okkar hálfu.

Grandaskóla hópurinn og Sara á frjálsíþróttamótinu

Fleiri myndir af frjálsíþróttamótinu eru hér:   http://www.grandaskoli.is/Myndir2007-2008/Frjalsar_6.bk/
Því miður engar myndir af okkur, við erum greinilega ekki gott myndefni

Dagurinn byrjaði á ensku tíma hjá 6.bekk þar sem við fylgdum Söru eftir. Síðan var Sara í forfallakennslu í tónlist og við fórum með henni í þá tíma. Þar vorum við að hlusta á kvikmyndatónlist og greina tónlist og síðan horfum við á smá hluta úr myndinni Happy feet.

Eftir hádegi kenndum við svo seinustu tímana okkar. Við fengum nefnilega að vita það á sunnudaginn að miðvikudagurinn okkar myndi falla niður vegna foreldraviðtala. Það var náttúrulega mjög óheppilegt en við ákváðum í samráði við Söru að gera fyrir hana og okkur verkefni til að fylla uppí þá tíma sem við misstum. Verkenfið var um mismunandi hring- og stöðvaþjálfum sem við áttum að búa til. Þetta verkefnið var skemmtilegt og við notuðum nokkrar hugmyndir sem Sara hafði gefið okkur í vettfangsnáminu.

Svo núna er vettfangsnámið á enda. Við erum eiginlega hálffeignar, þó þetta hafi oftast verið mjög skemmtilegt og við lærðum alveg fullt af þessu þá var þetta líka mjög erfitt og maður var einfaldlega alveg búin stundum eftir daginn. Ég veit ekki hvort þetta vettfangsnám hefur ýtt undir áhuga okkar á kennslu

Dagurinn í dag var rosalega langur, við mættum klukkan 8:00 um morguninn og fórum heim klukkan 20:30 um kvöldið.

Dagurinn byrjaði á sundkennslu hjá 7.bekk. Síðan kom 6.bekkur og svo 4.bekkur. Sami tímaseðill var fyrir alla bekki en tíminn byrjaði á prófi í stílsundi sem Símon og Sara voru með. Eftir að stílsundið var búið tókum við, við kennslunni. Við fórum með krakkana í boðsund, allir áttu að synda eina ferð og hvert lið varð að synda öll sundin. Það heppnaðist ekki alveg nógu vel svo við ákváðium í næsta tíma á eftir að leyfa krökkunum að velja sjálf hvaða sundaðferð þau vildu synda. Það gekk miklu betur, þá fékk hver og einn að njóta sín í sinni sundaðferð.

Í tímanum á eftir náðum við að fara í boðsund og einnig í smá kafsund. Þar hefðum við mátt skýra aðeins betur út hvernig tökin áttu að vera. Við gerðum það síðan hjá 4.bekk og þá gekk betur. Það var langur leiktími þennan dag því þetta var seinasti sundtíminn fyrir haustfrí.

Þegar við vorum búnar að kenna þessum bekkjum kom 1.bekkur til okkar í sund. Við ætluðum að byrja á leik en vegna þess hve erfitt var að fá hljóð þá ákváðum við að sleppa því, það kom okkur á óvart hvað þeim var alveg sama þó við hefðum hætt við leikinn Við fórum að æfa það að blása kúlur og svo voru bringusundfótatök æfð. Þau syntu síðan með flá og reyndu að gera fótatökin með. Síðan lékum við okkur aðeins með flána, reyndum að kafa undir hana og lyfta henni upp og ýta henni áfram með enninu. Síðan fengu þau smá leiktíma

Eftir hádegi fórum við í ensku með Söru, vorum aðallega að horfa á, en aðstoðuðum líka Söru og krakkana. Það er mjög gaman að fá að kynnast aðeins almennri kennslu en það er aeinhvern vegin allt öðruvísi en íþróttakennslan, okkur finnst það miklu rólegra. Sara segjir að henni finnist mjög gott að kenna bæði íþróttir og almenna kennslu.

Eftir ensku tímana fórum við með Söru uppí Langholtsskóla og kenndum 2 tíma hjá 1.bekk sem var á frístundaheimilinu þar. Fyrst fengum við stelpurnar og eftir þann tíma komu strákarnir til okkar. Í báðum hópum voru um 10 - 15 nemendur. Þetta var mjög erfiður tími fannst okkur, þau áttu mörg erfitt með að fylgja fyrirmælum og sum voru einfaldlega ókurteis. Við gerðum alls konar æfingar með fallhlíð og það gekk ágætlega, okkur fannst betra að vera með þennan hóp í svona frekar rólegum leikjum frekar en einhverri keppni, þá varð allt brjálað. Síðan enduðum við á smá köngulóaskotbolta til að leyfa þeim að fá smá útrás. En við vorum virkilega þreyttar eftir þennan tíma. Við höfum aldrei kynnst svona erfiðum hóp en svona er þetta bara

Eftir tímana í Langholtsskóla fórum við uppí Laugardalshöll þar sem 6.bekkur úr Grandaskóla ásamt öðrum 6.bekkingum alls staðar að úr skólum í RVK kepptu í frjálsum. Þar var keppt í stelpu og strákaflokkum og keppnisgreinar voru, langstökk, kúluvarp, 60 m hlaup, boðhlaup og 800 m hlaup. Við mættum um fjögur og fórum heim um hálf níu. Það var mjög gaman að vera með krökkunum þarna, þetta voru líka allt krakkar sem við erum búin að vera mikið að kenna og þekkjum því aðeins. Þau stóðu sig alveg frábærlega þó þau hafi ekki verið mjög mörg en krakkarnir unnu til margra verðlauna og Grandaskóli var næst stigahæðsti skólinn á mótinu. 

Eftir mótið fórum við síðan heim og settum tásurnar uppí lofið og slökuðumn á, alveg búnar eftir daginn 

Á tímaseðlinum í dag voru kennsluþættirnir leikir og boðhlaup. Fyrsti tíminn var 7. bekkur og byrjuðum við á að fara í lömb, úlfar og steinar og fannst krökkunum sá leikur fínn. Síðan tókum við nokkra viðbragsspretti og fórum svo í boðhlaup. Nemendunum fannst mjög gaman í boðhlaupinu og voru mjög kappsöm. Í boðhlaupunum vorum við með ýmsar þrautir eins og að draga hvert annað á bretti, hlaupa í gegnum hring og sippa eða keðjuboðhlaup. Í lokin ætluðum við svo að fara í atómleikinn með húllahringjum en slepptum því þar sem tíminn var á þrotum.

Næsti tími lagðist niður vegna sinfóníutónleika sem haldnir voru í skólanum og allir nemendur skólans fóru á. Við hlustuðum á þá og heyrðum einn 6. bekkinn spila líka. Mjög flottir tónleikar J

Næsti tími var einnig 7. bekkur. Tíminn var mjög stuttur vegna tónleikanna þannig að við fórum bara í atómleikinn með húllahringjum. Sara kom með mjög góðan punkt um að gott væri að  afmarka völl utan um húllahringina sem hlaupa ætti í kringum. Þannig þyrftu þau alltaf að hlaupa inn á völlinn og ná húllahring þegar tónlistin stöðvaðist. Þetta gerði það af verkum að enginn gat staðið kringum sama húllahringinn og meiri hreyfing kom í leikinn. Eftir að við breyttum því svoleiðis gekk leikurinn mun betur. Þeir sem ekki náðu inn í hring fengu refsingu, 5 armbeygjur. Í lokin urðu þeir úr sem ekki náðu inn í hring þannig að nokkrir stóðu eftir sem sigurvegarar!

Í lok dagsins fórum við og kenndum 1. bekkingunum að kafa í gegnum húllahringi og að synda bringusund. Þau fengu svo extra langan leiktíma þar sem að það var föstudagur.

Kenndum fyrst þrem 7. bekkjum. Tókum fyrir körfubolta og frjálsar. Við skiptum salnum í tvennt og vorum með 3 þrístökksþrautir á öðrum helmingnum og körfuboltaspil á hinum helmingnum. Eftir 1. tímannn breyttum við aðeins uppröðuninni og höfðum 3 stöðvar, tvær körfuboltastöðvar þar sem annarsvegar var spilað á eina körfu og hins vegar farið í stinger og svo frjálsíþróttastöðin. Það gekk mun betur í seinni tveim tímunum því þá var styttri tími sem fór í þrístökkin, það varð leiðigjarnt til lengdar.

Svo fórum við út í sundlaug og kenndum 1. bekkingunum. Þau voru að læra grunnstöðuatriðin í bringusundi þ.e. beygja, kreppa, sundur, saman, 1 2 3  Það gekk misvel hjá þeim og okkur finnst frekar erfitt að ná til nemendanna svona ofan í lauginni.

Síðasti tíminn í dag var hjá 6. bekk og gerðum við það sama og hjá 7. bekkingunum nema við breyttum aðeins þrístökksþrautunum og gerðum þær skemmtilegri. Bættum við stökkbretti og trampólíni á einum stað og settum grindur sem þau áttu að hoppa yfir.

Það var mikið að gera hjá okkur í dag. Dagurinn byrjaði klukkan 9.00. Við kenndum þremur 7.bekkjum í röð, horfum síðan á einn sundtíma hjá 1.bekk og svo kenndum við tveimur 6. bekkjum. Allir bekkirnir fóru í stöðvaþjálfun en stöðvunum var aðeins breytt þegar leið á til að sjá hvort þær gengu betur.

Tíminn byrjaði á línuklukki, það gekk bara vel og krökkunum fannst það skemmtilegt

Síðan tók við stöðvaþjálfun með eigin líkamsþyngd. Tveir voru saman á hverri stöð og var unnið í 45 sek, síðan var skipt um stöð en þær voru 10. Fyrst vorum við að spá í að fara tvo hringi í stöðvaþjálfuninni en það hefði verið of mikið svo við ákváðum að hafa skotbolta í endann og svo teygðum við á saman. Við spurðum krakkana hvaða æfing væri góð til að teygja t.d. á lærvöðvunum og þá kom einhver með æfingu sem við síðan gerðum saman.

Sara benti okkur á að nokkrar stöðvarnar væru ekki alveg nógu góðar fyrir þennan aldurshóp svo við ákváðum að breyta þeim og þá gekk miklu betur. Sérstaklega með 6.bekk enda eru þau miklir orkuboltar

Sem dæmi má nefna að:

Stöð 1 þar voru háar hnélyftur á dýnu, breyttum við í leik þar sem reyna átti að snerta hné/öxl þess sem er með manni á stöð. Krökkunum fannst þetta miklu skemmtilegra og hreyfðu sig þar af leiðandi miklu meira.

Stöð 3 þar voru magaæfingar, þar hefði mátt setja bolta með sem þau ættu að kasta á milli sín.

Stöð 7 þar var kyrrstöðuæfing fyrir kvið, annar hefði mátt rúlla undir hinn bolta meðan sá hélt sér uppi. Til að þau myndu hugsa um eitthvað annað en bara sjálfa æfinguna.

Stöð 10 þar átti að sitja í 90%, hefði einnig verið hægt að hafa bolta og að gefa ætti hann á milli.

Við notuðum tónlist í tímanum sem virkaði vel. Til að sýna hvenær átti að skipta um stöð lækkuðum við í tónlistinni. Sara sagði að þegar það er bara einn kennari er betra að flauta og þá vita þau að þau eiga að skipta um stöð. Þetta gerir það líka af verkum að kennarinn þarf ekki að standa hjá græjunum allan tíman heldur getur betur leiðbeint um allan salinn.

Bekkirnir voru mjög misjafnir, sumir gerðu æfingarnar mjög vel en aðrir reyndu að komast upp með að gera sem minnst. Yfir heildina vorum við samt mjög ánægðar með tímana. Við prófuðum líka í dag að kenna bara ein og ein og það gekk mjög vel.

Við kíktum síðan aðeins á 1.bekk í sundi. Þau eru alltaf jafn mikil krútt. Voru að læra hvernig á að blása kúlur og reyna að liggja á bakinu. Það reyndist misvel, sumum fannst þetta lítið mál meðan aðrir gátu það ekki. Síðan voru tekin nokkur hopp, t.d. höfrunahopp og svo leiktími.

Okkur finnst mun erfiðara að kenna sund en íþróttir, það er einhvern vegin mun erfiðara að ná til krakkana þegar þau eru ofan í lauginni. Einnig er maður óöruggari með að kenna sund kannski því við kunnum það ekki jafn vel og hinar íþróttirnar.

Dagurinn á morgun er líka langur, stanslaust stuð

Dagurinn í dag var stuttur sem var reyndar ágætt þar sem við vorum frekar þreyttar eftir langan dag í gær. Við kenndum tveimur 6.bekkjum í dag. Þar sem þau eru að fara á fjálsíþróttamót í næstu viku er mikið lagt uppúr því í íþróttatímunum að æfa þær greinar sem keppt verður í. Því tókum við fyrir kúluvarp, boðhlaup með kefli og langstökk.

í byrjun fyrri tímans báðum við krakkana að hjálpa okkur við að setja allt á sinn stað, það gekk frekar brösulega. Flestir fóru eftir fyrirmælum en nokkrir gerðu nákvæmlega það sem þeir áttu ekki að gera, fóru að leika sér með áhöldin og setja þau á vitlausa staði. Þá ákváðum við að Bjarney myndi fara með þau í upphitum meðan ég setti áhöldin á rétta staði svo meiri tími færi ekki til spillis. Upphitunin gekk ágætlega, þá gerði Bjarney ýmsar æfingar og þau hermdu eftir. Eftir það var síðan skipt á 3 stöðvar þar sem ein grein var tekin fyrir á hverri stöð. Það gekk bara nokkuð vel að fá krakkana í gang.

Sara kom síðan með nokkrar góðar ábendingar um hluti sem mátti laga. T.d. sýna fleiri en eina útgáfu af kúluvarpi, með og án atrennu. Hefðum betur mátt sýna skiptinguna með keflinu í boðhlaupinu og merkja hefði mátt landst0kksdýnuna svo krakkarnir hefðu eitthvað viðmið um hve langt þau stukku. Þegar seinni tíminn hófst gátum við nýtt okkur þessa punkta og sá tími gekk mun betur. Enda var þessi bekkur mun þægari en hinn. Í seinni tímanum stjórnaði ég upphitun og eftir hana sýndi Bjarney æfingarnar. Krakkarnir fóru á stöðvarnar sínar og æfingarnar gengu vel. Tíminn á hverri stöð hefði samt mátt vera aðeins styttri. Í lokin hjálpuðu þau okkur síðan að ganga frá.

Það var áhugavert að sjá hvað bekkirnir eru ólíkir, þrátt fyrir að þau séu á sama aldri og í sama skóla. Við reyndym samt að láta ólátabelgina ekki komast upp með að eyðileggja fyrir hinum en það er alltaf töluverður tími sem tapast þegar maður þarf mikið að vera að skammast. Við tókum líka eftir því að ef Sara sagði eitthvað þá var miklu frekar hlustað á það en á okkur.

Dagurinn var mjög skemmtilegur og á morgun er kennsla allan daginn, það verður eflaust mikiðfjör

Við mættum í Sundlaug Vesturbæjar klukkan 8:00 og tókum á móti 7. bekk sem fór í bringusundspróf. Þau áttu að synda 12 ferðir (250 m) á 10 mín. og náðu því flestir.

Því næst komu tveir 4. bekkingar til okkar og tókum við fyrir bringusund, skólabaksund og kafsund. Það gekk vel að kenna sundið þrátt fyrir smá óöryggi í byrjun. En við hefðum mátt sýna æfingarnar betur. Við fylgdum tímaseðlinum okkar eftir (sjá skjal seinna) og náðum við að fylgja honum nokkuð vel á eftir. Við byrjuðum á leik sem vakti mikla lukku hjá nemendunum en ekki gafst tími fyrir pottinn í lokin. Svoldið erfitt var stundum að sjá nákvæmlega hvað krakkarnir voru að gera vitlaust en það kemur víst með reynslunni, vonandi Í kafsundinu kom Sara með góðan punkt um að betra væri að hafa kafsundshringina í ákveðinni fjarlægð mislangt frá bakkanum. Einn nemandi í einu kafaði svo eftir þeim hring sem hann treysti sér til, tæki hann upp og léti hann svo detta aftur niður á sama stað og svo koll af kolli. Þá þarf kennarinn ekki alltaf að vera að kasta hringjunum útí aftur og aftur og losnuðu við að blotna.

Við hefðum oft mátt gefa okkur betri tíma í að útskýra hlutina og sýna en vegna kulda í lauginni þá flýttum við okkur oft að koma af stað næsta verkefni. Þá enduðum við á því að þurfa að endurtaka hlutina nokkrum sinnum því nemendur voru misfljótir að leysa verkefnin.

Síðasti sundtími dagsins var 1. bekkur sem var að mæta í fyrsta sundtímann sinn. Fyrst var farið yfir reglur eins og að ekki mætti fara út í sundlaug fyrr en kennarinn væri kominn og alls ekki mætti fara yfir í djúpu laugina o.þ.h. Síðan máttu nemendur spyrja spurninga. Símon kennari tók fram að spurningar byrjuðu ekki á "einu sinni" samt byrjuðu flestar spurningar krakkanna á einu sinni

Að lokum aðstoðuðum við Söru í tveimur enskutímum hjá 6. bekk. Þema dagsins var food and drinks. Við fórum í nokkur hlustunarverkefni og önnur verkefni tengt þemanu.

Eftir skóla fórum við svo með Söru í Langholtsskóla þar sem hún er með íþróttaskóla fyrir 6. ára börn. Því miður mættu engin börn í þetta skiptið vegna þess að það var starfsdagur í skólanum. Í næstu viku ætlum við svo að vera með íþróttaskólann þannig að við nýttum tímann til þess að kíkja á aðstæður og áhöld í salnum.

19.okt

 Annar dagurinn á enda. Við fórum í áhorf hjá hinum 6.bekknum í dag, það var gert það saman og í gær en þessi bekkur er töluvert erfiðari. En þetta gekk samt ágætlega, það er bara svo sérstakt að sjá hvað bekkirnir geta verið ólíkir. Síðan fórum við í sund hjá 1.bekk. Þetta var seinasti tíminn þeirra svo það var leiktími. Á mánudaginn kemur annar fyrsti bekkur í sund og við fáum að kenna þeim.

Síðan tekur alvaran við á mánudaginn og alla næstu viku, þá verður við að kenna íþróttir hjá 6. og 7. bekk og síðan sund hjá 4.bekk og 1.bekk. Við erum búnar að vera að í allan dag að búa til timaseðla en verðum að hittast líka á morgun og klára þá.

Á þriðjudaginn eru teknar fyrir frjálsíþróttir og tímaseðilinn er nokkuð spennandi, það verður gaman að sjá hvernig gengur að kenna hann.

Heyrumst eftir helgi 

Jæja þá er vettfangsnámið byrjað. 

18.október 

Fyrsti dagurinn var frekar rólegur hjá okkur enda var 4. og 7. bekkur í samræmduprófum í dag. Við fórum nú samt út í KR klukkan 10 í morgun og settumst niður með Söru vettfangskennaranum okkar og skipulögðum næstu tvær vikur. Við verðum að kenna alveg helling, bæði íþróttir og sund og svo fáum við að fylgjast með frjálsíþróttamóti.

Við fylgdumst með 6 - R í dag í leikfimi, þar var tekið fyrir Borgarklukk, þar sem hringjum er raðað á nokkrum stöðum um salinn og svo á að hlaupa um salinn og nokkrir eru hann og reyna að klukka hina.

Síðan var farið í Kíló þar sem keppnisskapið var alveg að fara með krakkana.

Eftir tíman drifum við okkur síðan útí Vesturbæjarlaug þar sem Sara var að kenna 1.bekk sund. Í tímanum var lögð áhersla á bringusundsfótatök og almenna aðlögun í vatni. Hún lét krakkana blása kúlur og telja 1, 2, 3. Þau voru voðalega dugleg allavega miðað við það að flest þeirra eru nýbyrjuð að læra að synda. Þau syntu aðeins með flá og síðan var hópnum skipt í tvennt, helmingur synti skriðsundsfótatök með flá á meðan hinn helmingurinn var að kafa og ná í hringi. Í lok tímans voru þau að spyrna sér frá bakkanum og áttu að líkja eftir því að vera blýantur og reyna að láta sig renna fram og telja 1,2,3. 

Síðan er mæting á morgun á sama tíma og þá fylgjumst við með hinum 6. bekknum í leikfimi og förum síðan í sundkennslu.  

Allavega fyrsti dagurinn í vettfangsnáminu er á enda.  

Kv, Hrund og Bjarney